اگر دل میں رہو آنکھوں کی ویرانی نہیں جاتی

اگر دل میں رہو آنکھوں کی ویرانی نہیں جاتی

نظر میں آ بسو تو دل کی حیرانی نہیں جاتی

مرے احباب کیوں ملتے ہوئے مجھ سے ہچکتے ہیں

وفور غم سے کیا صورت بھی پہچانی نہیں جاتی

جو خوب دشت فطرت ہے وہ ظاہر ہو کے رہتا ہے

لباسوں سے جو سچ پوچھو تو عریانی نہیں جاتی

حوادث پے بہ پے ہشیار کرتے رہتے ہیں تجھ کو

مگر غفلت تری اے آدم فانی نہیں جاتی ہے

ہوس دنیائے دوں کی دل سے نکلے سخت مشکل ہے

چلی جاتی تو ہے لیکن بہ آسانی نہیں جاتی