میں اس عالم میں آ پہنچا تمہارے درد ہجراں سے

میں اس عالم میں آ پہنچا تمہارے درد ہجراں سے

کبھی طوفاں ہے کشتی سے کبھی کشتی ہے طوفاں سے

کرم میں بھی ستم کا ذوق کر لیتا ہوں یوں پیدا

میں اکثر چاک دل سیتا ہوں ان کی نوک مژگاں سے

نشیمن جل چکا ہے بجلیاں اب کیوں چمکتی ہیں

کوئی تنکا بچہ ہے کیا ابھی جشن چراغاں سے

جگر ٹکڑے گریباں چاک‌ نشتر آنکھ اور در میں

متاع زندگی نکلے ہیں یہ وحشی کے ساماں سے

اسیروں کی رہائی کی خبر آئی جو زنداں میں

لپٹ کر رو دیے قیدی در و دیوار زنداں سے

اگر آباد کرنا ہو کسی ویران گلشن کو

ذرا سی خاک دیوانہ بھی لے آنا بیاباں سے

حسنؔ بس حسن جاناں ہی ہے مذہب دیون و ملت بھی

نہ ہندو سے غرض ہم کو نہ مطلب ہے مسلماں سے