جھوم کر آئے گا ساون تو مجھے خط لکھنا

جھوم کر آئے گا ساون تو مجھے خط لکھنا

بھیگ جائے گا جو آنگن تو مجھے خط لکھنا

میرے محبوب مرا پیار بھرا خط پڑھ کر

تیرا لہرائے گا تن من تو مجھے خط لکھنا

اے مری جان غزل میری امانت ہے تو

تجھ کو چھیڑے کوئی دشمن تو مجھے خط لکھنا

چوڑیوں سے تری ٹکرا کے شب غم جاناں

ٹوٹ جائیں گے جو کنگن تو مجھے خط لکھنا

میری بیتاب جوانی کی تمنا ہے یہ

تیرا گزرے گا لڑکپن تو مجھے خط لکھنا

تیرے کوچے میں ہنرؔ آئے گا دولہا بن کر

تم جو بن جاؤ گی دلہن تو مجھے خط لکھنا