ہمیں ہے شوق پڑھنے کا یہ ہے اک فضل ربانی

ہمیں ہے شوق پڑھنے کا یہ ہے اک فضل ربانی

اگر کھیلیں تو کیوں کھیلیں نہ کچھ آنی نہ کچھ جانی

اٹھانے سر نہیں دیتی ہے عصیاں کی فراوانی

مدد کیجے مدد کیجے میری محبوب یزدانی

ہمیں دنیا کا کچھ غم ہے نہ ہم کو فکر عقبیٰ ہے

ہمارے سر پہ ہیں سایہ فگن محبوب یزدانی

بچانا میری کشتی کا تمہارے ہاتھ ہے حضرت

کہ دریائے گنہہ کا سر سے اونچا چڑھ گیا پانی

ہم اے اکرمؔ محمد مصطفیٰؐ کے نام لیوا ہیں

ہماری مشکلیں ہو جائیں گی حل سب بہ آسانی