وہی ہرجا بہار گلستاں ہے

وہی ہرجا بہار گلستاں ہے

عیاں ہے رنگ میں بو میں نہاں ہے

ظہور شخص و نور عکس ہے ایک

بشر آئینہ بن کر درمیاں ہے

اسی سے ہے حیات جملہ اشیاء

جسے دیکھا نشان بے نشاں ہے

وہی ساغر وہی مینا وہی خم

وہی میکش وہی پیر مغاں ہے

اسے کہتے ہیں سب عنقائے مغرب

ہمیشہ لا مکاں میں آشیاں ہے

اشارہ آنکھ کی ہے پتلیوں کا

کہ وہ نور نظر میرا یہاں ہے

وہی گویا وہی سنتا ہے واقفؔ

تماشا ہے کہ بے گوش و زباں ہے