جب غمِ پیہم سے تھک کر چور ہو جاتا ہے دل

جب غمِ پیہم سے تھک کر چور ہو جاتا ہے دل

رک ذرا سی ٹھیس لگتی ہے تو بھر آتا ہے دل

یاد کر کے جانے کیا کیا پہلے گھبراتا ہے دل

اور پھر گھٹ گھٹ کے جی ہی جی میں رہ جاتا ہے دل

در حقیقت زندگی کا لطف جب پاتا ہے دل

ناسمجھ بن کر کسی کے دل سے ٹکراتا ہے دل

رقص کرتی ہیں بہاریں جھوم جاتا ہے چمن

جب تصور کی فضا میں دل سے ٹکراتا ہے دل

شامِ تنہائی کی شاید ہورہی ہے انتہا

چھپتے جاتے ہیں ستارے ڈوبتا جاتا ہے دل

پھر سنواری جا رہی ہے از سرِنو زندگی

سب خطا آنکھوں کی ہوتی ہے سزا پاتا ہے دل

گھونٹ دیتی ہیں گلہ جذبات کا خود دار ہاں

اپنے ہی ہاتھوں سے خود مجبور ہو جاتا ہے دل

ڈوبتے تاروں کی ان مایوس راتوں کی قسم

کتنی بے چینی سے پھر تیرے ہی گن گھاتا ہے دل

وقت اک ایسا بھی آتا ہے محبت میں ضرور

دل کو سمجھاتا ہوں میں اور مجھ کو سمجھاتا ہے دل

جانے کیوں اقبالؔ کچھ بیٹھے ہی بیٹھے اِ ن دنوں

ڈبڈا آتی ہیں آنکھیں اور بھر آتا ہے دل