جب سے ہوا ہے وہ بت عیار یار یار

جب سے ہوا ہے وہ بت عیار یار یار

روتا ہوں تب سے برسر بازار زار زار

زنداں سرا جہاں ہے مری جان جان جاں

مہمان اس کا چاہے نہ زنہار ہار ہار

آتا تھا پہلے گھر مرے ناگاہ گاہ گاہ

بھڑکایا تونے آہِ شرربار بار بار

نا حق اسے تو رشتۂ جاں سے نہ سی نہ سی

دل کر چکا ہے جیب گرفتار تار تار

جاتے ہیں ہم تو ہوش کے ہمراہ راہ راہ

منصور ہیں جو کہہ اٹھیں دل دار دار دار

ان گل رخوں کے عشق میں ہر پھول پھول پھول

جوں لالہ داغ کھاتے ہیں ناچار چار چار