اس نے کہا ہستی تری میں نے کہا جلوہ ترا
اس نے کہا ہستی تری میں نے کہا جلوہ ترا
اس نے کہا پھر نیستی میں نے کہا پردا ترا
اس نے کہا جانا مرا میں نے کہا میری اجل
اس نے کہا پھر زندگی میں نے کہا آنا ترا
اس نے کہا شام بلا میں نے کہا گیسو ترے
اس نے کہا صبحِ صفا میں نے کہا چہرا ترا
اس نے کہا بارانِ غم میں نے کہا رونا مرا
اس نے کہا برقِ ستم میں نے کہا ہنسنا ترا
اس نے کہا تو کون ہے میں نے کہا نقشِ قدم
اس نے کہا منزل تری میں نے کہا کوچا ترا
اس نے کہا کیا کام ہے میں نے کہا خدمت تری
اس نے کہا کیا نام ہے میں نے کہا بندا ترا
اس نے کہا دل لے گیا؟ میں نے کہا ہاں لے گیا
اس نے کہا وہ کون تھا میں نے کہا غمزا ترا
اس نے کہا کیا دل میں ہے میں نے کہا الفت تری
اس نے کہا کیا سر میں ہے میں نے کہا سودا ترا
اس نے کہا کس سے گلہ میں نے کہا تقدیر سے
اس نے کہا تقدیر کیا میں نے کہا منشا ترا
اس نے کہا شب کون تھا میں نے کہا توفیقؔ تھا
اس نے کہا وہ کون ہے میں نے کہا شیدا ترا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
