جوانی تلک لطف تھا زندگی کا
جوانی تلک لطف تھا زندگی کا
بڑھاپے نے کھویا مزا زندگی کا
نہ تجھ سے ملا جو یہاں جیتے جیتے
اسے عمر بھر غم رہا زندگی کا
مسیحا نفس تجھ کو کہتے ہیں عاشق
ترے دم سے ہی آسرا زندگی کا
سنا دے اسے قم باذنی کا نغمہ
دکھا دے ذرا معجزہ زندگی کا
جو دنیا میں رہ کے ہوا حق سے غافل
نتیجہ اسے کیا ملا زندگی کا
بہار آئی پھر بلبلیں جی اٹھیں گی
سناتی ہے مژدہ صبا زندگی کا
ترابؔ اس کو اک دم نہ تو بھول جانا
بھروسہ ہے پیری میں کیا زندگی کا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
