جس کو دیکھو وہ نظر آتا ہے دیوانہ ترا

جس کو دیکھو وہ نظر آتا ہے دیوانہ ترا

واہ کیا انداز ہے اے چشم مستانہ ترا

اے حسیں جلوہ ہے ہر سو بے حجابانہ ترا

ذرہ ذرہ کہہ رہا ہے مجھ سے افسانہ ترا

گل ترے گلشن ہے تیرا سب بہاریں ہیں تیری

آشیان و برق سب کہتے ہیں افسانہ ترا

لطف اس کا ہے خمار اس کا ہے مستی اس کی ہے

پی لیا جس نے ازل کے روز پیمانہ ترا

اب کمی کیا ہے مرے ساقی پلائے جا مجھے

شیشہ تیرا مے تری ہے جام و میخانہ ترا

تو نے کچھ ایسی پلائی اے نگاہ چشم دوست

روز اول سے ترا قیصرؔ ہے مستانہ ترا