کلام رند میں اکثر حقیقت آ ہی جاتی ہے

کلام رند میں اکثر حقیقت آ ہی جاتی ہے

کنم اک چیز ہے ایسی طبیعت آ ہی جاتی ہے

ہزاروں مسجدیں ہوں جنتیں ہوں عرش ہوں لیکن

نہ ہو پیش نظر دلبر قیامت آ ہی جاتی ہے

کئی نا کامیاں محرومیاں رسوائیاں لے کر

عموماً خانۂ دل میں محبت آ ہی جاتی ہے

خودی خود اعتمادی میں بدل جائے تو بندوں کو

خدا سے سرکشی کرنے کی نوبت آ ہی جاتی ہے

زبان عشق گر سمجھائے فرمان خداوندی

تو مے خانے کی زد میں پھر شریعت آ ہی جاتی ہے

فقیر قادریؔ جو دیکھتے ہیں چشم بینا سے

تو بندے کو خدا کہنے کی جرأت آ ہی جاتی ہے