عجب کہ یاد میں وہ زلف مشک سا نہ رہے

عجب کہ یاد میں وہ زلف مشک سا نہ رہے

وہ کون سر ہے کہ جس سر میں یہ ہوا نہ رہے

خیالِ یار کا رہنا ہے چشمِ گریاں سوں

جہاں کہ چشمہ نہ جاری ہو کارواں نہ رہے

جو وصل ہو بھی میسّر تو کیا کہوں احوال

دو چار یار کے منہ میں میری زباں نہ رہے

عجب کہ موسم پیری میں خوابِ غفلت ہو

کہ صبح ہوئے سرا بیچ کارواں نہ رہے

جسے شعور ہے کچھ بھی وہ اس قدر جانے

قضا بھی کچھ ہے اگر بندۂ رضا نہ رہے

یہ بادیۂ محبّت میں بے دلیل نہ جا

کہ کارواں کو خطر ہے جو رہنما نہ رہے

خطر ہے بحرِ خرد میں اگر جنوں نہ ہوئے

جہاز غرق ہو اس میں گر اس میں ناخدا نہ رہے