آزاد منش رہِ دنیا میں پردائے امید وبیم نہ کر

آزاد منش رہِ دنیا میں پردائے امید وبیم نہ کر

جب تک نہ ملیں خطرے کے قدم خم دیکھ سرِ تسلیم نہ کر

کتنی ہی شعائیں ابر میں ہوں خورشید جنوں پر ایماں لا

کتنے ہی دلائل روشن ہوں دانش کو بھی تسلیم نہ کر

سانچوں میں برابر ڈھلتا جا رفتار جہاں سے پھیر نہ منہ

تنسیخ تو کیا اس دفتر میں جینا ہے تو کچھ ترمیم نہ کر

سینے میں ہے اس کے سوز اگر شیطاں کے قدم لے آنکھوں پر

بیگانہ دردِ دل ہے اگر جبریل کو بھی تعظیم نہ کر

اے جوش ہجوم کلفت میں فریاد و فغاں سے کام نہ لے

گھٹ جائے گا اس سے دل کا اثر اجزائے تپش تقسیم نہ کر