دل کہیں عرض مدعا نہ کرے

دل کہیں عرض مدعا نہ کرے

چھیڑ کر ان کو پھر خفا نہ کرے

اوس پڑ جائی گی چمن پہ صبا

کہہ دے شبنم پہ گل ہنسا نہ کرے

سوکھ کر ہو گیا ہوں میں کانٹا

اپنے در سے وہ گل جدا نہ کرے

لذتِ درد دل پہ مرتا ہوں

ان کو معلوم ہو خدا نہ کرے

دیکھ سر پر نہ چڑھ کے ہو پامال

زلف حد سے ذرا بڑھا نہ کرے

چال سے اس کی خوف ہے مجھ کو

فتنہ برپا کوئی نیا نہ کرے

مر رہاں ہوں میں اک پری وش پر

مجھ کو شرمندہ اب قضا نہ کرے

ضد اثر کو ہے اے کششؔ تو ہو

اس لیے کیا کوئی دعا نہ کرے