اٹھ جائے ابھی کام لیں ہمت سے اگر ہم

اٹھ جائے ابھی کام لیں ہمت سے اگر ہم

اک یوں ہی سا پردہ ہے ادھر وہ ہیں ادھر ہم

وہ صبح کو آئیں گے یہ سنتے ہیں خبر ہم

ہم بھی انہیں دیکھیں گے جو دیکھیں سحر ہم

سو بار کیا عہد نہ جائیں گے ادھر ہم

پھر شوق سے ہو ہو گئے مجبور مگر ہم

دم بھر تو بھلا کوئی ہمیں جی کے دکھا دے

کر لائے ہیں جس حال میں اک عمر بسر ہم

اب شغل ہے دن رات طواف کوئے جاناں

منزل پہ پہنچ کر بھی ہیں مشغول سفر ہم

محروم در فیض سے کوئی نہیں جاتا

آئے ہیں بہت دور سے یہ سن کے خبر ہم

سالک ہمیں رکھنا نہیں منظور انہیں کو

پھر ہو گئے مجذوبؔ ملاتے ہی نظر ہم