ہنسی سے ان کو پانی کا لگا بیٹھے جو ہم چھینٹا

ہنسی سے ان کو پانی کا لگا بیٹھے جو ہم چھینٹا

تو منہ پر ہاتھ رکھ بولے لگا کیا ہی ستم چھینٹا

تنور چرخ میں ہو سرخ قرص خور نہ اب کیوں کر

کہ شیر کاسۂ مہ سے دیا ہے صبحدم چھینٹا

عرق افشاں نہیں ہے زلف گرمی سےکہ دیتی ہے

گل عارض کی تیرے تازگی کو دمبدم چھینٹا

نہال اس باغ گیتی میں ہے تیرے فیض سے عالم

کبھی تو ہاں ادھر بھی کوئی اے ابر کرم چھینٹا

زبس ہے خانۂ پردرد اے معروفؔ یہ گر دوں

ہمیں روتا نہ سمجھو تم کہ اب دیتے ہیں ہم چھینٹا