جو راہِ عشق میں ہم پھونک پھونک اب پاؤں دھرتے ہیں

جو راہِ عشق میں ہم پھونک پھونک اب پاؤں دھرتے ہیں

تو یہ باعث ہے اے ہمدم کہ رُسوائی سے ڈرتے ہیں

لگے آنے جولختِ دل ابھی سے چشم میں یارب

تو آکے دیکھئے ہاں اب وہ کیا کیا گل کترتے ہیں

کچھ ایسا کر فلک وہ یار پھر اغیار سے بگڑے

کہ سب کام اس میں پھر بگڑے ہوئے اپنے سنور تے ہیں

قسم دے کر انہوں کے آدمی سے میں نے جو پوچھا

کہ سچ بتلا وہ مجھ کو قید میں بھی یاد کرتے ہیں

کہا اُس نے کسی کے دل کی کیا معلوم ہے لیکن

تمہارا ذکر آتا ہے تو اکثر آہ کرتے ہیں

غزل ایک اور لکھیے اے الٰہی بخش خاں صاحب

قلم کو ہاتھ سے اپنے ابھی کیوں آپ دھرتے ہیں