گر باغ میں خنداں وہ مرا لب شکر آوے

گر باغ میں خنداں وہ مرا لب شکر آوے

گل سامنے داماں سے منہ ڈھانپ کر آوے

قاصد سے کہو پھر خبر اودھر ہی کو لے جائے

یاں بے خبری آ گئی جب تک خبر آوے

لوٹے ہے ترے گنج شہیداں کو غریبی

جی دینے کو ظالم کوئی کس بات پر آوے

زاہد کو جتا دیجیو بے خود ہے یہ رنداں

آنا ہے اپنا خود داری کو گھر میں ہی دھر آوے

کہتے ہیں کہ یک دست تری تیغ چلی ہے

تب جانئے جب اک دو قدم چل ادھر آوے

جوں خواب ہے وابستہ بہ غفلت یہ تماشا

کھل جائے اگر آنکھ تو پھر کیا نظر آوے

مطلق بھی نہیں دردؔ اضافت سے مبرا

عہدے سے تقید کے کوئی کیونکہ بر آوے