کیوں کر میں خاک ڈالوں سوزِ دلِ تپاں پر

کیوں کر میں خاک ڈالوں سوزِ دلِ تپاں پر

مانند شمع میرا کب حکم ہے زباں پر

میں کس طرح بتوں کے لا سامنے جھکا دوں

دل تو دماغ اپنا کھینچے ہے آسماں پر

کب اختیار اپنا جوں گل ہے اس چمن میں

گلچیں سے کیا چلے ہے کیا زور باغباں پر

میں جانتا نہیں ہوں بیٹھے بٹھائے یارب

یوں آ پڑی کہاں سے آفت یہ میری جاں پر

تار نگہ پہ دل یاں دونوں طرف سے دوڑے

دو نٹ مقابل آویں جس طرح ریسماں پر

اے دردؔ یار جیسا ہووے سو ہے غنیمت

اتنا بھی جی نہ رکھے ہر وقت امتحاں پر