دیکھے گا نہ جو اس کو وہ حیران رہے گا

دیکھے گا نہ جو اس کو وہ حیران رہے گا

تالاش میں تا حشر پریشان رہے گا

منکر جو خدا کا ہے وہ منکر دو جہاں کا

مردود رہے گا وہی شیطان رہے گا

وعدہ جو کیا حشر کے دیدار کا اس نے

کیا دیکھے گا وہ اس سے جو انجان رہے گا

یہ نکتۂ باریک ہے سمجھا اسے جس نے

تا یومِ قیامت وہی انسان رہے گا

اس دارِ مکافات میں جو حق سے نہ گذرے

کہتے ہیں کبھی اس کو نہ نقصان رہے گا

اک پردۂ غفلت کا یہ ہے سارا طلسمات

واقف جو ہوا اس سے وہ باشان رہے گا

جوں تیغ و سپر سینۂ ابرو سے ہمیشہ

خالی نہ کبھو دل کا یہ میدان رہے گا

رکھ حفظِ مراتب پہ نظر جس سے کہ جگ میں

مشہور سدا صاحبِ عرفان رہے گا

دل فکرِ سخن میں جو محو ہو تو اے مسکیںؔ

مقبول طبع جگ میں یہ دیوان رہے گا