میں تجھے عشق کا اوتار نہیں کہہ سکتا
میں تجھے عشق کا اوتار نہیں کہہ سکتا
بے وفا کہہ کے وفادار نہیں کہہ سکتا
دل میں طوفان ہے ہونٹوں پہ مگر خاموشی
جانے کیا روگ ہے بیمار نہیں کہہ سکتا
ایک طرفہ ہی سہی اس سے محبت ہے مجھے
اس سے جا کر مگر اک بار نہیں کہہ سکتا
دل کی دھڑکن میں ترا نام سنا ہے میں نے
تجھ سے کتنا ہے مجھے پیار نہیں کہہ سکتا
حالِ دل سب کو سنانا بھی نہیں ہے اچھا
ہر کسی کو تو میں غم خوار نہیں کہہ سکتا
دل کی دنیا میں وہ آباد ہے دھڑکن کی طرح
اپنے دل کو تو خطاوار نہیں کہہ سکتا
وہ جو سمجھا ہی نہیں ہجر کی لذت شایانؔ
میں اسے عشق کا حق دار نہیں کہہ سکتا
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
