نالاں فراق دل میں ہے ماتم سرائے دل

نالاں فراق دل میں ہے ماتم سرائے دل

سینے سے آ رہی ہے صدا ہائے ہائے دل

حاضر ہے لیجیے یہ اگر کام آئے دل

کچھ اور پاس ہم نہیں رکھتے سوائے دل

آتی ہے ان کے کوچۂ گیسو سے یہ صدا

آؤ مسافرو کہ یہاں ہے سرائے دل

بو ہو کے گل میں کیا دل بلبل سما گیا

توڑا کسی نے پھول تو آئی صدائے دل

آنکھیں لہو بہائیں جو ساغر سے مے گرے

شیشہ جو گر پڑے تو مرا ٹوٹ جائے دل

راحت گئی اگر تو کیا رنج نے گزر

خالی رہے وزیرؔ نہ مہماں سرائے دل