کوئی دیوانہ وار آئے نہ آئے

کوئی دیوانہ وار آئے نہ آئے

جنوں پہ اختیار آئے نہ آئے

تسلی ساز گار آئے نہ آئے

میرے دل کو قرار آئے نہ آئے

وہ موسم خوش گوار آئے نہ آئے

یہ ممکن ہے بہار آئے نہ آئے

لپٹ کر رہ گئے دامن سے کانٹے

گلوں پر اب نکھار آئے نہ آئے

اسے احساس غم پاس حیا ہے

لحد تک سوگوار آئے نہ آئے

مجھے مستانہ نظروں سے پلا دے

میرے ساقی خمار آئے نہ آئے

دلِ بیدار بھی اب مبتلا ہے

تجھے یہ اعتبار آئے نہ آئے