لگا ہے دل مرا اوس سوں کہ جو مرلی مراری ہے

لگا ہے دل مرا اوس سوں کہ جو مرلی مراری ہے

سلونا سانولا گردھر گرڑ جس کی سواری ہے

بجا مرلی نے مرلیؔ دھر کیا من باؤلا میرا

او گوبند و جنااردن کی دھن مرلی کی پیاری ہے

چتربھج نام ہے اس کا کہ جس کو واسدیو کہتے

چھبیلی چھب او دامودر کی تربھنگی پیاری ہے

سہس سرخس کوں گوپن ہور رہے سب پاس سب سوں دور

ابھوگی بھوگ لے سب کا اگوچر برمچاری ہے

سیہ رنگ پر سیہ کاکل کھلے جگدیش مادھو کے

پریشاں کیوں نہ ہو شانہ کہ رنگ تارتاری ہے

مراری کی مروت ہور دامودر کے درشن کا

جو مے چاکھا سو ست گر سیں اوہی اب لگ خماری ہے

سنا اپدیش گرمکھ سیں مکند ہے نام ہرجی کا

تو اس کا بولنا استت زہے خدمت گزاری ہے

لے جا بن میں گئو سارے او بندرابن کے کمل پوش

اوسی گوپال مرلیؔ دھر سوں دھن مرلی کی ساری ہے

نہ ہندو نا مسلماں کے اس پڑا قید میں ہرگز

ترابؔ مبتلا کے تئیں دیا جو بے قراری ہے