دنیا مری نظروں میں کیا جانے اب کیا ہے

دنیا مری نظروں میں کیا جانے اب کیا ہے

جس وقت سے اک جلوہ آنکھوں میں سمایا ہے

کیا ذکر دوئی اس میں بے مثل ہے یکتا ہے

ہر چیز کا ملجا ہے ہر چیز کا ماویٰ ہے

ہے کون سی شے ایسی جس میں وہ نہیں مخفی

جو کچھ کہ نظر میں ہے اس کا ہی نظارا ہے

کچھ اس کی حقیقت پر بھی تونے نظر ڈالی

بازی-گہہ دنیا میں کیوں محو تماشا ہے

دنیا سے نہ ما فیہا سے ہم کو غرض زاہد

محفل ہے یہ رندوں کی یا قلقل مینا ہے