نگاہ روز اول دل نشیں ہے چشم جاناں کی

نگاہ روز اول دل نشیں ہے چشم جاناں کی

اسی بنیاد پر تعمیر ہے ایوان ارماں کی

جہان عشق میں صبح قیامت کا نمونہ ہے

حقیقت غیر کو معلوم کیا ہے شام ہجراں کی

جھکی اس وقت بت خانہ خانہ کعبہ کر لیا جس دم

جبین عجز کا یہ حوصلہ دیکھو مسلماں کی

جہاں مجھ سے لیا تھا دل مرا اس چشم پر فن نے

وہاں سے ابتدا ہے انقلاب چرخ گرداں کی

غبار رنج دشمن تک نہیں محفوظؔ کے دل پر

صفائی دیکھیے آئینۂ جذبات ایماں کی