لے کے دل میں محبت کی پاکیزگی گھر سے نکلے تھے دیر و حرم کے لیے

لے کے دل میں محبت کی پاکیزگی گھر سے نکلے تھے دیر و حرم کے لیے

ہم جنوں میں نہ جانے کہاں آ گئے ماہ و انجم نے بوسے قدم کے لیے

شکریہ پرسشِ غم کا اے دوستو تم مجھے اب نویدِ مسرت نہ دو

میری تقدیر کا حرفِ اول ہے غم غم مرے واسطے میں ہوں غم کے لیے

کتنے کم ظرف دنیا میں وہ لوگ ہیں اک ذرا غم ملا آنکھ نم ہوگئی

غم بھی اللہ کی اک بڑی دین ہے حوصلہ چاہئے ضبطِ غم کے لیے

اپنے مٹنے کا ماہرؔ مجھے غم نہیں میں فسردہ ہوں انساں کے حالات سے

میرے رونے پہ ہنستی ہے دنیا مگر رو رہا ہوں میں دنیا کے غم کے لیے