محبت بکتی ہو گر شہر میں ایسی دکاں ڈھونڈھیں

محبت بکتی ہو گر شہر میں ایسی دکاں ڈھونڈھیں

کدورت دل کی دھلتی ہو جہاں ایسی دکاں ڈھونڈھیں

سکون دل میسر ہو کوئی ایسا مکاں ڈھونڈھیں

مناسب اب نہیں ہر چیز میں سود و زیاں ڈھونڈھیں

بگڑتی بات بھی بن جاتی ہے شیریں زبانی سے

ہر بکتی ہو تیرے شہر میں ایسی زباں ڈھونڈھیں

شب دیجور کی چوری ہو یا ہو روز روشن کی

پتہ تو مل ہی جائے گا چلو کوئی نشاں ڈھونڈھیں

بہت مشکل ہے لفظوں میں پرونا دل کی حالت کو

بتائے ہی بنا جو بات کہہ دے وہ بیاں ڈھونڈھیں

بہت گھبرا گئے ہیں زندگی کے شور سے عالمؔ

جہاں بجتی ہو بنسی چین کی ایسا جہاں ڈھونڈھیں