وہیں پر جاکے ٹھہرا اہل دل اہل دل کا کارواں پہلے

وہیں پر جاکے ٹھہرا اہل دل اہل دل کا کارواں پہلے

محبت نے کسی کی لی تھی انگڑائی جہاں پہلے

نیا انداز تھا اس شام غم کی دل فریبی کا

ہوئی تھی آشنا نالوں سے جب اپنی زباں پہلے

انہیں کے سر رہا سہرا مری بربادئ دل کا

جو نالۂ غم میں ہوئے پل کر جواں پہلے

وہی تنکا کہ جس پر تھی بنا میرے نشیمن کی

بنایا برق نے اس کو چراغ آشیاں پہلے

صباؔ یکساں ہیں میرے واسطے گل ہوں کہ کانٹے ہوں

محبت نے پڑھائی تھی مجھے اپنی زباں پہلے