ترا سب کچھ یہی دنیا ہے میرا کیا ہے دنیا میں

ترا سب کچھ یہی دنیا ہے میرا کیا ہے دنیا میں

مجھے جانا ہے دنیا سے تجھے رہنا ہے دنیا میں

حقیقت کا میں جویا اور تو منکر حقیقت کا

جو خود دشمن ہو اپنا اس سے کیا موقع شکایت کا

جو پابند ہوس ہو راز کیا سمجھے محبت کا

ہوس کی قید سے بالا ہے معیار اپنی الفت کا

تری حد نظر شاہد فروشی کی دکاں تک ہے

مری پرواز کی وسعت مکاں سے لا مکاں تک ہے

میں ہوں پردے کے اندر اور تو پردے کو تکتا ہے

ہے لیلیٰ میرا مقصد اور تجھے محمل پہ سکتا ہے

جو شاہد ہیں زمانے کے مری عصمت کے شاہد ہیں

جو مسجود زمانہ ہیں وہ میرے در پہ ساجد ہیں