رات خلوت میں فقط میں تھا کہ جانانہ تھا

رات خلوت میں فقط میں تھا کہ جانانہ تھا

سایہ خویش بھی اس وقت میں بیگانہ تھا

میری آغوش میں تھا آئینہ رو شکل خیال‌‌

زلف تھی اور دل صد چاک مرا شانہ تھا

وقت خوش تھا مرا دوری میں تری اے ساقی

مئے وحدت سے لبالب میرا پیمانہ تھا

ہوئے یکسو جو دوئی سے تو خودی کو چھوڑا

اس بہانہ سے فقط یار سے مل جانا تھا

حضرت شاہ صفی مطلب خادمؔ بالکل

آپ کے فضل سے پورا ہوا جو مانا تھا