عشق یہ شئے ہے اسے ہر شئے میں پوچھا چاہیے

عشق یہ شئے ہے اسے ہر شئے میں پوچھا چاہیے

ہے خدا یارو اسی میں اس کو پوجا چاہیے

ہم تو سمجھے ہیں اسی کو ہے یہ سب احمد کا نور

کل شئ میں ہی یہی بس اس کو سوجھا چاہیے

ہو گیا ثابت قلوب المؤمنین عرش خدا

ہے یہ کعبہ اور قبلہ اس کو دیکھا چاہیے

کہہ گئے ہم کلمۃ الحق رمز میں توحید کے

ہے یہ ظاہر ہے یہ باطن اس کو سمجھا چاہیے

ہم تو خادمؔ ہیں صفی کے عشق ہے اپنا مقام

حل ہوا مقصد مرا مطلب کو بوجھا چاہیے