مسیحا کی دواؤں سے نہ چھو منتر سے جاتا ہے

مسیحا کی دواؤں سے نہ چھو منتر سے جاتا ہے

مرض یہ عشق کا ہے ذکر پیغمبر سے جاتا ہے

غلامی ان کے در کی بادشاہی سے بھی افضل ہے

در خیر البشر سے جو اٹھا در در سے جاتا ہے

یہ راز افشاں کیا ہے مجھ پہ میرے پیر و مرشد نے

خدا کے گھر کا رستہ مصطفیٰؐ کے گھر سے جاتا ہے

دعائیں رنگ لاتی ہیں تو پھر سارے غلاموں میں

خزانہ پنجتن کا روضۂ اطہر سے جاتا ہے

جہالت کے اندھیرے اس طرح سے دور ہوتے ہیں

اجالا دین و ایماں کا در سرور سے جاتا ہے

تصور میں ظفر آتا ہے جب بھی گنبد خضریٰ

ہر اک آنسو ادب سے میری چشم تر سے جاتا ہے