پھر نہ آیا پھر کے گر وہ نامہ بر اچھا ہوا

پھر نہ آیا پھر کے گر وہ نامہ بر اچھا ہوا

خط کتابت اٹھ گئی اے سیم بر اچھا ہوا

دیکھتا وہ تو تجھے اور میں تڑپتا خاک پر

پیک ان تک گر نہ پہنچا پیشتر اچھا ہوا

مل گئے باہم خدا کے فضل سے بعد از فنا

اس کو اچھا کیا کہیں ہم سربسر اچھا ہوا

تو ہی ہے اے ہم نشیں اور میری ہستی ہیچ ہے

ہو گیا ہر رگ میں گر تیرا گزر اچھا ہوا

گرچہ صورت اپنی ہے مردانؔ مثال نقش پا

اس میں گزرا کارواں ہے اور اگر اچھا ہوا