کمال عاشقی کا ہے تو ہی میرے دلا حافظ

کمال عاشقی کا ہے تو ہی میرے دلا حافظ

جمال لا یزالی کی ہے میری ہے وفا حافظ

مجھے کیوں جد و جہد ہو خاطر خود رفتہ سے اپنی

کہ ہے آپی مرے دل کا مرا جب دل ربا حافظ

تمہارے عشق میں پیارے ہوئے ہیں دل کے ہم پیارے

ہمارے جان و دل کا ہے ہمارا ہی خدا حافظ

میں ہی اول ہوں آخر ہوں میں ہی ظاہر ہوں باطن ہوں

مطاع دل میں ہی ہوں سب میں ہی اپنا بنا حافظ

ملائی اپنی صورت میں جو صورت اپنے پیروں کی

تو پائی ایک ہی مرداںؔ ہوا جیوں پیشوا حافظ