بے وفا تجھ سے کچھ گلہ ہی نہیں

بے وفا تجھ سے کچھ گلہ ہی نہیں

تو تو گویا کہ آشنا ہی نہیں

یا خدا پاس یا بتاں کے پاس

دل کبھو اپنے ہاں رہا ہی نہیں

دل سے جو چاہیے سو باندھئے بات

میں نے واللہ کچھ کہا ہی نہیں

تیرے کوچہ سے آہ جانے کو

دل نہیں یا کہ اپنے پا ہی نہیں

یاں تغافل میں اپنا کام ہوا

تیرے نزدیک یہ جفا ہی نہیں

نالے بلبل نے گو ہزار کئے

ایک بھی گل نے پر سنا ہی نہیں

کچھ نہ ہوتا اثرؔ اثر اس کو

بھلے کو نالہ تو کیا ہی نہیں