میری آنکھوں میں اگر ایسی ہی تیری نت کو جلوہ‌ گری رہی

میری آنکھوں میں اگر ایسی ہی تیری نت کو جلوہ‌ گری رہی

تو ہمیشہ کوہ میں اپنے آپ سے یوں ہیں بے خبری رہی

ارے آہ تیرے نہاں سے کبھی کچھ نہ برگ و ثمر ملا

نہ پھلے نہ پھولے کبھی یوں ہی تو ہمیشہ بے ثمری رہی

جو یہ جوش سیل سرشک کا کوئی روز ایسا بنا رہا

نہ بدن میں نام کو نم ملے نہ دکھائی دے گی تری رہی

ابھی ڈس کے ناگنی زلف کی مجھے ہائے کیسی مکر گئی

مری مرگ آنکھوں کے سر لگا دیکھو آپ کیسی بری رہی

چلی باد گرم فراق سے جلا سب وجود نیازؔ کا

مگر ایک شاخ نہال غم جسے دل کہیں سو ہری رہی