عشق ہے دل کو ستاتا رات دن

عشق ہے دل کو ستاتا رات دن

یار ہے مکھڑا چھپاتا رات دن

عشق نادی کی ہدایت اور ہے

کان میں میری سناتا رات دن

اپنی ہستی اور خودی کو چھوڑ دے

ہر میں حق حق ہے بتاتا رات دن

یار کیا مکار دھوکے باز ہے

ہے مجھے کیا کیا سمجھاتا رات دن

آپ ہے خود کہہ رہا انی انا

مجھ کو دھوکے میں ہے پاتا رات دن

آپ خود موجود ہے ہر شان میں

آپ کو کیوں ہے چھپاتا رات دن

میراںؔ شاہ قدموں تلے مخدوم کے

دمبدم سر ہوں جھکاتا رات دن