شکل انسان میں نور ہے تیرا
شکل انسان میں نور ہے تیرا
ہر دو عالم ظہور ہے تیرا
وصل تیری کا خاص قرب و مکاں
کیا کہوں یار دور ہے تیرا
نحن اقرب سے خود ہوں میں غافل
کب کہوں میں قصور ہے تیرا
لن ترانی نے تیری پھونک دیا
کوچۂ یار طور ہے تیرا
کیا کہوں عشق میں بھلا تجھ کو
سب کے دل میں فتور ہے تیرا
گرچہ ہوں میں گناہ گاروں میں
نام پیارے غفور ہے تیرا
وصل تیرا ہے جنت الماویٰ
ہجر یوم النشور ہے تیرا
میراںؔ شاہ کو بلاؤ یا خواجہ
میرے دل میں سرور ہے تیرا
مأخذ :
- کتاب : گلدستۂ میران شاہ (Pg. 2)
- Author : میران شاہ جالندھری
- مطبع : حمیدیہ اسٹیم پریس لاہور
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
