دلِ ناداں یہ عارضہ کیا ہے

دلِ ناداں یہ عارضہ کیا ہے

رات آنکھوں میں کاٹنا کیا ہے

ہوک اٹھتی ہے دل میں رہ رہ کر

وعدہ صبر آزما کیا ہے

ہر ادا ہے بلائے بے درماں

کیا بتائیں وہ شوخ کیا کیا ہے

تیرے جیسے کڑی کمانوں کے

ان کی نظروں کا پوچھنا کیا ہے

خود جب انساں ہے فاعل ومختار

پھر یہ تقدیر کا لکھا کیا ہے

لکھا رہاہوں فریب لالہ وگل

جانتا ہوں یہ شعبدہ کیا ہے

اس تغیر پذیر دنیا میں

انقلابات کے سوا کیا ہے

ایٹمی دور میں غزل گوئی

جانے صائب کا مدعا کیا ہے