دل وقف ستم وقف جفا دیکھ رہے ہیں

دل وقف ستم وقف جفا دیکھ رہے ہیں

ساحل کے قریں موج فنا دیکھ رہے ہیں

میں بھی انہیں مائل بہ جفا دیکھ رہا ہوں

وہ بھی مجھے راضی بہ رضا دیکھ رہے ہیں

ہنستے ہوئے چہرے پہ ہے اک نور کا عالم

آنکھوں میں مئے ہوش ربا دیکھ رہے ہیں

کیا محو تغافل ہے کوئی جان تمنا

کیوں درد کئی دن سے سوا دیکھ رہے ہیں

ساغر کی کھنک ہے کہیں پھولوں کی مہک ہے

میخانے کو ہم خلد نما دیکھ رہے ہیں

بہتے ہوئے اشکوں میں ہے تصویر رخ دوست

آئینہ معراج وفا دیکھ رہے ہیں

آہیں ہیں اگر لب تو آنکھوں میں ہیں آنسو

یہ اپنی محبت کا صلا دیکھ رہے ہیں