مجھے نزدیک بلوایا تو ہوتا
مجھے نزدیک بلوایا تو ہوتا
میری دوری کا غم کھایا تو ہوتا
بہت کرتا ہے شانہ مو شگافی
ذرا زلفوں میں الجھایا تو ہوتا
نہ ہوتا آئینہ ہرگز مقابل
تو اپنا حسن چمکایا تو ہوتا
وہ ظالم مارتا ہے گھاؤ پر گھاؤ
بھلا ایک زخم سلوایا تو ہوتا
جب آیا ترس اسے بولا مخالف
کوئی دن اور ترسایا تو ہوتا
ترابؔ اس بن نہیں دل کو ترے چین
کسی صورت سے بہلایا تو ہوتا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
