محبت جس سے ہو جاتی ہے پھر جایا نہیں کرتی

محبت جس سے ہو جاتی ہے پھر جایا نہیں کرتی

دہک جاتی ہے جب یہ آگ کجلا یا نہیں کرتی

وہ ہوں بے پردہ تو بھی ہے جمالِ بے حجاب ان کا

حقیقت سامنے آتی ہے اور آیا نہیں کرتی

نہ ہو جب تک اشارہ کوئی شامل ان کی مرضی کا

کسی سے خود محبت یوں تو ہوجایا نہیں کرتی

جو محوِ ذات حق ہیں وصل سے سر شار رہتے ہیں

جدائی کی گھڑی ان کو کبھی آیا نہیں کرتی

یقیناً پھر کوئی نازل مصیبت ہونے والی ہے

طبیعت بے سبب مختارؔ گھبرایا نہیں کرتی