پڑھی ہے ہم نے کتابِ ہستی سکون کی زندگی نہ دیکھی

پڑھی ہے ہم نے کتابِ ہستی سکون کی زندگی نہ دیکھی

ہزار ہا رنج و غم تو دیکھے مگر کہیں بھی خوشی نہ دیکھی

عجب بنایا نظامِ عالم وہی ہیں دن یہ وہی ہیں راتیں

الٹ پلٹ کر وہی ہیں باتیں کوئی بھی صورت نئی نہ دیکھی

پڑی تھی یکبارگی جو دل پر حجاب عظمت کی آڑ لے کر

گئے تھے کعبہ میں دیکھنے کو وہاں بھی وہ روشنی نہ دیکھی

کہاں کا چنگیز خاں ہلاکو تم ان کے ظلموں کو بھول جاتے

ہوئی تھی تقسیم ہند پر جو وہ قتل و غارت گری نہ دیکھی

کہو تو مختار میں بتادوں جو حال گلشن ہے میں نے دیکھا

کہ تنگ دل تو ہر اک کو پایا مگر کشادہ دلی نہ دیکھی