کوئی عاجز زندگی سے کوئی نالاں ہوگیا

کوئی عاجز زندگی سے کوئی نالاں ہوگیا

تم نے جس دل پر نظر ڈالی پریشاں ہوگیا

عشق خود بے تابیوں پہ اپنی حیراں ہوگیا

کس پہ تھا قربان ہونا کس پہ قرباں ہوگیا

ان کے اٹھنے بیٹھنے میں بھی عجب اعجاز تھا

درد اٹھا دل میں پھر دل ہی میں پنہاں ہوگیا

کشمکش ہائے غم و اندوہ سے چھوٹا نہ میں

سانس تھی زنجیر مجھ کو جسم زنداں ہوگیا

ان کو مرنے کا یقیں اب تک نہیں مختار ؔ کے

خاک کا بھی جس کی ہر ذرہ پریشاں ہوگیا