چل دیے ہوش و حواس اور طاقت و صبر و قرار

چل دیے ہوش و حواس اور طاقت و صبر و قرار

ساتھ دل کی کیا کہوں، یک قافلہ جاتا رہا

کوئی قاتل میں جو بہجت بے‌ خطر جاتا رہا

آخرش مثلِ قلم وہاں اس کا سر جاتا رہا

دیر کے چلنے میں اب جان تو ہی اب کیا کروں

قافلہ اشکوں کا دل سا رہبر جاتا رہا

آج کل ہی کس قدر یارو جہاں میں زر عزیز

گل نے پھاڑا پیرہن جو مشتِ زر جاتا رہا

آہ! کیا امید غیروں سے ہو مجھ کو چھوڑ کر

جب کہ طفلِ اشک سا لختِ جگر جاتا رہا

سر جدا میرا جو قاتل نے کیا اچھا ہوا

بار تھا تن پر میرے بہجت مگر جاتا رہا