ہاں یہ مانا کہ جو نکلے بھی تو مرکر نکلے

ہاں یہ مانا کہ جو نکلے بھی تو مرکر نکلے

پر یہ حیرت ہے کہ اس کوچہ سے کیوں کر نکلے

دیکھ کے حسنِ بتاں منہ سے نکلتا ہے درود

پھول بن کر مری نظروں میں وہ پتھر نکلے

کیوں نہ مٹ جاؤں میں اے دل کہ وہ فرماتے ہیں

آؤں گھر میں ترے میں غیر جو باہر نکلے

شمع کی طرح ہجوم آج ہے پروانوں کا

کیا وہ رکھتے ہوئے سر پر کلہ زر نکلے

شمسؔ مئے نوش نے لکھی یہ غزل فرقت میں

شعر جو نکلے وہ دامن کی طرح ترنکلے