شب فرقت ہے میں ہوں اور میری چشم گریاں ہے

شب فرقت ہے میں ہوں اور میری چشم گریاں ہے

تلاطم خیز غم میں جوش پر اشکوں کا طوفاں ہے

کہیں بے تابئ دل راز الفت کر نہ دے افشاں

مدد اے ضبط گریہ جوش پر اشکوں کا طوفاں ہے

جنوں افزا ہواؤں سے فضا بھی الجھی الجھی ہے

نظر میں صورت موہوم ہر تار گریباں ہے

اداسی ہے چمن پر چپ ہیں کلیاں گل ہیں پژمردہ

مخالف ہے ہوا بدلا ہوا رنگ گلستاں ہے

قریب آتش گل ہے چمن میں آشیاں میرا

ستم یہ ہے کہ اس پر بھی نگاہ برق سوزاں ہے

بوقت نزع بالیں پر اسیرؔ اس طرح وہ آئے

بنی ہے غم کی صورت چشم تر ہے دل پشیماں ہے