نہ گل ہیں اور نہ غنچے ہیں صبا کے
نہ گل ہیں اور نہ غنچے ہیں صبا کے
یہ سب ہیں دیکھنے والے ہَوا کے
بلاتے ہیں جو وہ قسمیں دلا کے
نتیجے ہیں مری آہ رسا کے
سوئے زاہد وہ بولے ہاتھ اٹھا کے
بہت ایسےبھی ہیں بندے خدا کے
کھنچانقشہ نہ تیرا اے پریرو
اڑے بہزاد اور مانی کے خاکے
صفت چوٹی کی سن کر وہ یہ بولے
بنانے والے ہو تم بھی بلا کے
ہمیشہ توڑ جوڑوں سے لیا کام
ملایا دل کو آنکھ ان سے لڑا کے
میرے خط کا جواب اس نے یہ لکھا
پیام اب آئے ہیں شاید قضا کے
گرا نظروں سے ہم چشموں کی پل میں
نہ دیکھا جس کو تم نے آنکھ اٹھا کے
بگڑتا کیا ہے یاں آنے میں ان کا
چلے جاتے ہیں دو باتیں بنا کے
کسی کے بیٹھنے کا ہائے انداز
وہ شرما کے لجا کے کچھ چھپا کے
مزیبؔ کو نہیں فکرِ سخن اب
کہا ہے کچھ یہ کہنے سے فضا کے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
