مرے یہ کہنے پہ وہ ان کا مسکرا دینا

مرے یہ کہنے پہ وہ ان کا مسکرا دینا

تمہیں نے درد دیا ہے تمہیں دوا دینا

ہمیں بھی شربتِ دیدار تم پلا دینا

ہمارے دل کی لگی بھی کبھی بجھا دینا

مرے بھی دل میں ہے شوقِ شہادت اے قاتل

مجھے بھی تیغ کے جوہر ذرا دکھا دینا

نہ بچکے آج نکلے جائیں حضرتِ واعظ

کسی بہانے سے رند وا نہیں پلا دینا

خدا گواہ ہے میں حشر تک نہ بھولوں گا

سوالِ وصل پہ اُس بت کا مسکرا دینا

وہ دیکھ کر مجھے دم توڑتے نہ ڈر جائے

مرے سرہانے سے اُس شوخ کو ہٹا دینا

ہے مدعا کہ گلا گھونٹ دوں میں آپ اپنا

جو کہتے ہیں وہ کہ مشکل ہے جان کا دینا

دعا یہ کرتے ہیں ہر دم مریضِ غم تیرے

نہ اس مرض سے الٰہی ہمیں شفا دینا

جو آرزو و مری ہے تو یہ ہے کہ نزع کے وقت

تم اپنی صورتِ زیبا مجھے دکھا دینا

مریضِ غم ترا مہمان ہے کسی دَم کا

پیام جا کے یہ اُس شوخ کو صبا ! دینا

وہ تیغ کھینچ کے آنا کسی کا مقتل میں

وہ میرا شوقِ شہادت میں سر جھکا دینا

کہا جو میں نے کہ تیور چڑھے ہیں کیوں تو کہا

تجھے ہے مدِ نظر خاک میں ملا دینا